Nordmøre folkehøgskole

Beliggenhet:
Det er greitt å reise til Surnadal og Nordmøre Folkehøgskule frå alle delar av landet. Med tog/buss om Trondheim eller Oppdal, og med fly/buss via dei 3 byane Molde, Kristiansund eller Trondheim. Ta gjerne kontakt med skolen dersom du lurer på fornuftig reisemåte.

Boforhold i internatet:
Standarden på internata er god med 5 nyrenoverte internatavdelingar med flislagde bad og vaskerom på kvar etasje. Dei fleste elevane bor i dobbeltrom. Eit bofellesskap har frå 8 til 15 elevar og har ansvaret for reinhald av eigne rom og ein del fellesrom. Nokre oppgåver som td. elevtilsyn og kjøkkenteneste går på omgang mellom elevane.

Skolen har halvårskurs (16,5 veker) i haust og vårhalvåret, men dei fleste elevane kombinerer to halvårskurs til eit årskurs på 33 veker. Du står fritt til å velje same fagområde haust og vår, eller du kan velje å bruke eit skoleår fordelt på to ulike linjefag.

Timetalet pr. veke på langkursa våre er fordelt mellom fellesfag/aktivitetar (ca. 16 t/v), linjefag (12 t/v) og valfag (4-6 t/v). I tillegg kjem verkstadtilbod og fritidsaktivitetar av mange slag.

I tillegg til dei 12 timane på linjefag, er det lagt opp til arbeid med faget ditt både som semesteroppgåve og andre praktiske arbeidsoppgåver. Fagavdelingane kan du bruke heilt fram til kl. 23.00 kvar kveld.

Valfaga veljer du etter at du kjem til skulen, men skriv gjerne i brevet du legg ved søknaden din kva fag du kunne tenkt deg å ta. Elevinteresse og lærarkrefter avgjer kva fag som blir sett i gang.

Linjefag:
Media
Teater
Kunst
Norsk Språk og Kultur
Musikk
Idrett - Taekwon-Do (GTF)
Friluftsliv